Radio RTR

  • Artg musical

    L’Artg musical è in caleidoscop da tut quai che capita en la scena da musica en Svizra rumantscha, en il Grischun e sur ils cunfins da quel ora. Tadlai las pli novas registraziuns dal Radio Rumantsch, intervistas cun cumponists ed interprets e las istorgias da davant e davos ils palcs da concert.

  • Profil

    Durant in’ura porscha il Profil biografias, destins, istorgias ed experientschas dad umens e dunnas, giuven e vegl, da prominents u simplamain da persunas ch’han da dir e da raquintar insatge. Durant ils ultims 25 onns ha il Profil laschà vegnir a pled var 1’300 persunas, ed anc adina n’èsi nagin problem da preschentar sonda per sonda novs giasts interessants.

  • L'instrumentala

    L’emissiun preschenta furmaziuns da brass, armonias, fanfaras, musicas militaras, furmaziuns pitschnas, giubileums da Brass Bands u autras furmaziuns, anniversaris u eveniments actuals. L’emissiun preschenta er las capo-furmaziuns da quel gener da musica.

  • Il soundcheck

    L’emissiun preschenta musica nova e guarda sin eveniments/concerts e tendenzas en la scena da musica grischuna, naziunala ed internaziunala.

  • Palaver

    Emna per emna debatteschan Gian Ramming, schefredactur RTR e Michel Decurtins, producent newsdesk multimedia RTR davart in u plirs temas actuals. Cun u senza in giast, ma adina in disput argumentativ, cuntravers e commentond.

  • Vita capita – radionovela

    Si en las muntognas datti ina vischnanca - Surgonda. Ed a Surgonda stattan era ils Caflischs, ina famiglia che viva dapi generaziuns a Surgonda. Ma tgi èn ils Cafilschs? E tgi èn ils abitants da Surgonda? Tge èn lur plaschairs e pensiers? E pertge ston els mintgatant rir e cridar en ina? - “Vita capita”: ina radionovela che fa bain e mal al cor.

  • Magazin da cultura

    Il Magazin da cultura preschenta e spievla la cultura grischuna/rumantscha a moda profunda, reflectanta, prospectiva e da "longue durée". Litteratura, architectura, art, saut e musica - il Magazin da cultura tracta tut las spartas culturalas. Supplementarmain datti er tips per eveniments e publicaziuns ch’ins na dastga betg manchentar.

  • Il forum

    Persunas dal fatg preschentan, decleran, analiseschan e reflecteschan durant 30 minutas fenomens, svilups e dumondas da la vita e da la societad.

  • Radioarchiv

    Ils archivs dal Radio Rumantsch èn voluminus e cuntegnan bleras emissiuns d’antruras. Ina giada l'emna avain nus avert noss archiv per noss public. Dapi il favrer 2016 chattais Vus ivettas ord l'archiv en la rubrica "Fundus" sin rtr.ch

  • Noss chors

    En l’archiv da musica dal Radio Rumantsch èn da chattar nundumbraivlas registraziuns da chors - en spezial chors rumantschs e grischuns. Tadlai e giudai!

  • La stailalva

    Musica da la sparta schlagher e schlagher popular e preschentaziun da musica nova, semperverds, da giubileums, hits, temas actuals, anniversaris u eveniments.